വെളിച്ചം

വുഡൻ ഫ്ലോറി‌ംഗ്

മരപ്പാളികൾ പാകിയ നിലം വേണം‌‌ ‌-

കീഴ് മേൽ മറിഞ്ഞ മച്ചിൻപുറം പോലെ...

നല്ല മൂത്ത കരിമ്പനകൾ കിട്ടും -

പാലക്കാടുവരെ പോകുകയേ വേണ്ടൂ എന്ന് ചങ്ങാതി...

കാശൊന്നും വേണ്ടന്നേ

നാലാളെ കൂട്ടിപ്പോയി പാകം പോലെ മുറിച്ചെടുക്കുകയേ വേണ്ടൂ...

കാരിരുമ്പൊത്ത കൂർത്ത നാരുകൾ

തറഞ്ഞു കയറില്ലേ കാലിൽ...?

നിലത്തുവെക്കാതെ വളർത്തിയ മക്കളാണു...

നിങ്ങൾക്കെന്തറിയാം ചങ്ങാതീ...

നാടെത്ര മാറി...!

ആളെ വേണമെങ്കിൽ പറയൂ, മിടുക്കന്മാരുണ്ട് -

പരുവം പോലെ ചെത്താനും മിനുക്കാനും...

പിന്നെ, പലതരം വാർണിഷും പോളിഷും...

പെരുമ്പറ തിരഞ്ഞെത്തുന്ന കിഴക്കൻ കാറ്റുകൾ

ചുഴലിയായെന്നെ കടപുഴക്കുമോ ആവോ...

ഉന്മാദിയായ മുത്തിയെപോലെ 

'മകനേ' എന്ന് രാത്രിയിൽ വിളിച്ചുണർത്തുമോ ആവോ...

നിലം പരിശായ കരിമ്പനകൾക്ക് മേലെ

പുതിയ ജീവിതം തുടങ്ങട്ടെ....

- ഒമർ ഷെറിഫ് 

My photography Blog - All Lights

Please have a look....

http://www.wideranglefoto.blogspot.com/

'89-ലെ പഴയ ഒരു കവിത പൊടിതട്ടി എടുത്തത്...

പഴഞ്ചൊല്ല്

'ആദ്യം കയ്ക്കും
പിന്നെ ചവര്‍ക്കും
ഒടുവില്‍ മധുരിയ്ക്കും' പോല്‍!

നെല്ലിയ്ക്കാ വലുപ്പത്തില്‍ ഒരു കൌതുകം പോലും
എനിയ്ക്കു വേണ്‍ടി ബാക്കിവെച്ചില്ലല്ലോ
പഴഞ്‌ചൊല്ലുകാരാ...

ശിരോലിഖിതങ്ങള്‍

ധൂര്‍ത്താടനങ്ങള്‍ കൂടണയും

മദിരാനര്‍ത്തന ശാലയില്

‍മാരീചവേഗങ്ങളെ കാല്‍ചിലമ്പിലൊതുക്കി

എയ്തെയ്തണയും കൂരമ്പുകളെയൊളിച്ച്-

സുനന്ദ

ബാല്യകാലസഖിയുടെ മുഖഛായയുള്ളവള്‍...

വേനലവധികള്‍ ഇല്ലാതെപോയവന്

ഞാവല്‍പഴങ്ങള്‍ കരുതിവെച്ചവളേ,

നിന്‍റെ വിളര്‍ത്ത കൈവിരലിന്‍ മഷിത്തണ്ടു വേണം

ഗ്രീഷ്മത്തിന്‍ ശിരോലിഖിതങ്ങള്‍ മായ്ക്കാന്‍...